Со Stylist.mk на проекција на документарецот за Ник Кејв „20.000 дена на Земјата” во „Синеплекс“

Stylist.mk ја продолжува соработкатата со MCF MKD  и ќе награди три наши редовни читатели со по две влезници за утрешните (петок, 21 ноември) проекции на документарно-фиктивната биографија на легендарниот музичар Ник Кејв „20.000 дена на Земјата” во скопското кино „Синеплекс“. Најбрзите читатели на Stylist.mk, што во inbox на нашата страница на „Фејсбук“ или со коментар под текстот на нашиот сајт, ќе ни набројат барем две песни од Ник Кејв ќе освојат по две влезници за проекцијата  утре во 20.15 часот во Сала 3. Вашите одговори ги очекуваме во текот на денот.

Режисерскиот тандем Ијан Фортсајт и Џејн Полард во своето внимателно компонирано филмско деби ја комбинираат фикцијата и реалноста, приватниот и јавниот живот, и во еден фиктивен ден ја опфаќаат животната приказна на познатиот музичар. Што се случува кога часовникот ќе го отчука дваесетилјадитиот ден во животот на Ник Кејв? “20 000 дена на Земјата” е необична форма на документарец и осмислени сцени кои го прикажуваат музичарот Ник Кејв во текот на еден “обичен“ ден од животот. Тој ден, започнат со будење во раскошниот дом на брегот недалеку од Брајтон, Кејв разговара со психијатар, има проба со бендот, се среќава со некои важни личности во неговиот живот, оди во архивата во која се чуваат слики и предмети од неговиот живот и завршува со голем концерт.  Музичката икона, која истовремено е писател и наратор во “20 000 дена на Земјата”, го открива својот поглед на светот, животот и начинот на кој ги создава мрачните и духовити текстови. Пред се’, Кејв во филмот го истражува она што не’ чини самите нас и ја слави моќта на креативниот дух.

Во филмот се појавуваат Кајли Миног, како и англискиот актер Реј Винстон, кој играше во вестернот „Понуда“ за кој Кејв го напиша сценариото, а го режираше Џон Хилкоут. Покрај Кајли и Винстон, се појавува и Бликса Баргелд, поранешниот член на „Бед Сидс“ кој објаснува зошто го напуштил бендот пред неколку години. Филмот го добил насловот по белешката на работ на книгата со песни на Кејв каде што собирал од колку денови се состоел неговиот досегашен живот.