По успехот на првата колекција во соработка со еден од најголемите американски музички фестивали -„Коачела“, шведскиот бренд H&M лансира нова линија. Колекцијата H&M Loves Coachella наменета за двата пола, е во хипи-стил со модели инспирирани од 70-тите години на минатиот век. Застапени се лежерни модели по вкус на љубителите на летните фестивали: џинс модели, маички и фустани со впечатлив принт и шик додатоци. Кроевите се идеални за летните фестивали. Креациите ќе може да се купат онлајн од 23 март, а ден подоцна и во продавниците на H&M. Неодамна во пустина беше снимена промотивна фотосесија, во која се појавуваат моделите Хејли Болдвин, Адвоа Абоа, Џулија Каминг и други.
Нема коментари