Американското издание на магазинот Vogue и топ моделите на денешшницата направија римејк на култниот видеоспот од 90-тите Freeedom на Џорџ Мајкл, како видео едиторијал во кој се претставуваат најдобрите креации од колекциите од последната Њујоршка модна недела. Vogue на едно место ги собра Адријана Лима, Џоан Смолс, Ана Еверс, Ирина Шајк, Тејлор Хил и уште неколку манекенки да снимат нова верзија на спотот, наменета за новата Инстаграм генерација. Режијата е на Гордон вон Стајнер, а делови од новото видео одат во кратки форми на Инстаграм профилите на манекенките.
Дури и ако сте биле мали во тоа време или не сте ја слушале музиката на Џорџ Мајкл, и ако барем малку ве интересира модата, сигурно го паметите спотот Freedom на Џорџ Мајкл од 1990 година, во кој се појавуваат иконските супермодели Кристи Тарлингтон, Синди Крафорд, Наоми Кембел, Линда Евангелиста и Татјана Патиц. Да се потсетиме и на тоа видео:
Нема коментари