Една од највлијателните бјути блогерки, Бразилката Камила Коеље , во видео за магазинот Elle открива како се шминка и подготвува во деновите додека трае модната недела. Камила која важи за бјути инфлуенсерка и има повеќе од седум милиони следбеници на Инстаграм, раскажува како изгледа едно утро за време на последната модната недела во Њујорк и можеме да погледнеме како сама се шминка за тековниот ден. Денот го почнува со ролер од кварц, потоа гледаме како се шминка и кои прозиводи ги користи – од течната пудра Estée Lauder’s Double Wear Stay-in-Place Foundation до карминот на Lancôme, дел од колекцијата L’Absolu Rouge x Camila Coelhо направена како соработка меѓу Камила и француската козметичка компанија. Во видео туторијалот ќе чуете и неколку совети – на пример, таа препорачува на секој два месеца да изберете некоја нова течна пудра, а доколку не сакате очите да ви бидат пренагласени со течен туш, употребете црна сенка за очи и нанесете ја со мала четка на работ на окото кај трепките.
Еве го конечниот изглед на Камила и модната комбинација што ја носеше на ревијата на брендот Tibi.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари