Баланс меѓу природниот изглед со минимална шминка и стариот холивудски гламур доминираше во изгледот на актерките на оскаровскиот црвен килим викендов. Поголемиот дел од ѕвездите беа со речиси неприметливо руменило, нежни кармини и дискретно нашминкани очи. Ваков изглед имаа добитничките на „оскар“- Алисија Викандер и Бри Ларсон, чиј свеж изглед беше надополнет со природно пуштена коса со собрани предни прамени. Можеа да се забележат лелеви фризури со природни тонови на косата, како кај Маргот Роби, Риси Витерспун, романтично собрана коса во кок (Џенифер Гарнер) или внатрешна или растурена плетенка како кај Оливија Вајлд и Криси Тејган.
Опавчињата беа хит оваа година
Најголем хит беше косата собрана во опавче. За овој тренд се одлучиле Оливија Ман, Софија Вергара, Кери Вашингтон, а Руни Мара отскокнуваше со фризура ала Реј од „Војна на ѕвездите: будење на силата“.
Нов сјај на класичниот холивудски гламур мудадоа Кејт Бланшет, Емили Блант, Наоми Вотс, Лејди Гага, Џулиен Мур и Софи Тарнер. Присутен беше и трендот на темен кармин (Руни Мара, Вотс) или зачаден поглед (Џенифер Лоренс, Серша Ронан). Големо внимание предизвика костимографката Сенди Пауел, која се појави со кратка портокалова коса ала Дејвид Боуви.
Стилистите му дадоа нов сјај на класичниот холивудски гламур
Од фризура а ла Реј, преку романтични плетенки и кок-фризури
Kостимографката Сенди Пауел се појави со кратка портокалова коса а ла Дејвид Боуви
Нема коментари