Емилија Бунтеска, новинарка која при работата во телевизиски лајф-стајл магазини најмногу се задржува на културното и модното живеење, препорачува оваа зима да изберете капут со повпечатлива боја, голем шал, чизми на „дрвена“ платформа, уникатен часовник и ретро очила за сонце. Еве ги нејзините образложенија зошто се одлучи за оваа топ-5 листа.
1.Капут со интензивна боја и впечатлив дизајн
Ако „сивото“ и „тмурно“ време е една одпрвите асоцијации за зимата, тоа незначи дека таков треба да биде и доминатниот дел од палетата на бои во вашиот гардеробер. Желбата да се „развесели“ амбиентот или пак околината со својот моден став, ќе стане посебно јасна доколку интензивни и разиграни се боите на капутот или пак посебно впечатлив е неговиот дизајн. Можеби би бил доволен и самиот избор на капут во една, но исклучително забележителна боја. Сепак, ако на ова се додаде уште некој интересен детал во делот на дезенот, тогаш впечатокот ќе биде загарантирано моќен. Бидете храбри и излезете многу подалеку од сигурната зона, инаку издвојување од толпата нема! Инспиративната стилска икона Ајрис Апфел во секое време, а и во својата 92-та година од животот, сигурно топло би ја поздравила ваквата идеја!
2.Голем шал
Шалот не е само обично парче ткаенина кое има основна функција да стопли. Успехот доаѓа кога ќе гостоплите сопствениот моден идентитет со интересен избор. Волуменозните, односно оние шалови кои не мора да се шарени, но добро би сесместиле во категоријата „големи“, се опција која освен што ќе вестопли, ќеви помогне и во дефинирањето на модниот израз. Важно е помеѓу бојата на шалот и бојата на косата да постои некаква магична привлечност. Па така на пример, „џинџер“ девојките одлично би се согласувале со шал во боја од зелениот дел на палетата.
3.Чизми на „дрвена“ платформа
Нека бидат во вашата омилена боја или форма, нонекабидатна „дрвена“ платформа или висока потпетица. Дрвото скоро без исклучок во низата, дава некој посебно интересен шмек во изгледот на обувката која малку асоцира на ретро, но во исто време и во иста доза, зборува за безвременска актуелност. Често прилега фантастично на комбинации со„винтиџ“ допир во својата основа, но ваквата платформа е исто така одличен „партнер“ и на џинсот, а во зависност од обликот и материјалот на останатиот дел, ваквите чевли би влегле во игра и кај поелегантните варијанти.
4.Уникатен часовник
Ако само едно парче накит може да развесели цела модна комбинација, тогаш оваа сезона имајте ги предвид часовниците. Но оние соуникатен дезен, кои се забележуваат на вас уште во првите неколку секунди. Тие што се малку, или пак уште подобро, многу подалеку од стандардните дизајни и облици, се единствените кои би порачале дека часовникот е многу повеќе од обичен мерач на времето. Ако самиот часовник не е доволно впечатлив, тогаш додадете му квалитетна доза на привлечност со тоа што ќе го комбинирате со интересни алки.
5.Ретро очила за сонце
Бидејќи и зимата може да се пофали со сончеви денови, вие бидете подготвени да се „пофалите“ со интересни очила за сонце кога ќе дојдат тие денови. Ретрообликот, а посебно оној „мачкестиот“ може да се адаптира на повеќе различни модни ставови. И додека стилот на рамките го задржувате во овие „рамки“, дозволете си експериментирање на тема- бои. Помогнете му на сонцето да го разведри зимското сивило!
Нема коментари