Еден од најдобрите дизајнери на мебел и производи за домот, Британецот Том Диксон, на престојниот милански саем на мебел ќе претстави ентериерски сетови кои опфаќаат различни елементи – од светилки до шејкерот за коктели. Својата визија за новата сезона ќе ја прикаже преку новата колекција Club која содржи мебел, светилки и додатоци изработени од сјаен месинг.
Благодарение на полираниот материјал предмети ја извршуваат главната задача – да светкаат и „фрлаат“ искри во просторијата. Новата колекција ќе биде поставена на изложба, заедно со светилките од колекциите Beat и Flood и геометриските и барските столици од серијата Pivot. Најголемиот светски саем за мебел ќе се одржи од 8 до 13 април во коплексот Fiera Milano di Rho.
Нема коментари