Со забава во културниот центар Public Room, наградуваниот моден блог Skopje Casual на 3 март со почеток во 21.30 часот ќе одбележи четири години од својата прва објава. Трите девојќи што стојат зад блогот, Александра Христов, Ива Дујак и Калина Зографска, роденденската журка традиционално ја врзуваат со одредена тема, а овој пат тоа се квадратите. За добрата забава на следбениците на блогот што третира лежерна мода и оваа година ќе се погрижи диџеј Гоце.

фото: Eva Hevesi
- Skopje Casual отсекогаш ни било место за радост, за дружба, за ширење на нашата приказна и мнооогу сме горди што и по четири години тоа е сè уште така. Најголема радост од блогот ни се сите кежуал луѓе што ги запознавме во овие четири години и што секој ден ни го прават поубав докажувајќи ни дека casual is always awesome. Баш затоа сме многу среќни што на 3. март имаме уште еден повод за голема дружба. Ќе славиме роденден во Public Room, ќе играме на музичиња на најдобриот скопски диџеј Гоце, ќе си го пиеме омилениот коктел по намалена цена и ќе си зборуваме за лежерни работи. Темата за оваа година ни се квадрати, како четири страни кои прават една целина, како табела во Excel, како многу многу важна бројка во нашите животи во моментов-велат Сандра, Ива и Калина во својата најава.
Skopje Casual е еден од најпопуларните блогови кај нас, кој ги следи урбаните и модни случувања во нашата метропола. Трите блогерки ги ловат најинтересните кежуал стајлинзи на скопјани, а често постираат и натписи со инспирации од уличната мода ширум светот. Дел се од различни настани, предавања, работилници, а минатата година ја лансираа и својата прва капсулна-колекција во соработка со тимот на Bastet Noir.

Калина, Сандра и Ива лани ја лансираа и својата прва капсулна-колекција во соработка со тимот на Bastet Noir
Нема коментари