Неколку сезони сакоата и блејзерите се главен горен дел од облкеката, според трендсетерките и уличната мода, тие ќе бидат фаворит и во есенската гардероба. Како да ги носиме во новата сезона?! Бирајте предимензионирани модели, коцкести и гломазни во рамениците, со машки крој и како да сте ги позајмиле од плакарот на дечковците. Иако со години велиме дека сакоата треба да бидат скроени по мерка и скоро припиени на телото, новата мода вели дека тие треба да изгледаат како да ни се големи, дури и со подолги ракави. Како да сте го згрешиле конфенкцискиот број, ама сепак тоа е намерно и во вистинска комбинација изгледа модерно.
Сакоата можеме а ги носиме и овие денови, последни сончеви есенски денови, а ќе ги комбинираме со фармерки или панталони со поширок крој, ќе ги носиме врз миди фустани и здолништа, со кожени модели, врз ролки кога е поладно, или на голо за некоја секси вечерна пригода.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари