Жан Пол Готје навистина ги познава филмовите со вампири! Има неколку омилени вампирски филмови и тие му послужија како инспирација за новата колекција на висока мода што самиот ја опишува креации за „Елегантна вампирка во луксузни џогинг-тренерки“. Познат по театралноста, дизајнерот за сезоната есен-зима 2014 прикажа мрачни готски модели, а неговата модна ревија кулминираше со појавата на евровизискиот победник Кончита Вурст облечена во црно-црвена венчаница. Готје како и другите дизајнери што се претставија на Париската недела на висока мода, за есенската сезона предлага креации во црна, бела и црвена боја, но тој користи и златна, сива и жолта. Моделите се екстравагантни, богати со набори, забележуваме доста слоеви на набрана органза и нагласени раменци. Иако општиот впечаток е страшен, што може да се забележи и во „крвавите“ усни на манекенките, сепак постои некоја неодолива елеганција и привлечност во креациите на Готје.
Нема коментари