Новата кампања на италијанскиот бренд Replay, Laserblast L.I.F.E., е направена со еколошки активисти во главната улога со причина. Тие ја промовираат линијата на фармерки произведена со новата технологија laserblast, со која драстично се намалува количината на вода при изработката на џинсот, а за боење се користат обоени минерали од природно потекло. Резултатот е џинс изработен на најеколошки начин кој ќе ги задоволи принципите и на најстрогите еколошки активисти.
За поголемо подигање на еколошката свест во проектот се вклучени вистински активисти и еколошки воини, како на пример норвешката актерка и манекенка Александра Орбек-Нилсен, гласноговорничка за прашања поврзани со заштитата на околината во Африка, како и Енок Гровен, основач на здружението Fashion Against Climate Change.
-Еколошките активисти се херои на модерното време. Наместо да зборуваат за апстрактни идеи, тие делуваат без оглед на последиците. Нивниот ангажман и посветеност во заштитата на околината е заедничка со ДНК кодот на Replay. Низ проекти и колекциии секогаш сме фокусирани на иновативност во делот на дизајн и производство, а линијата Laserblast L.I.F.E. е продолжение на нашиот неконвенционален начин на размислување – смета Матео Синигаља од Replay.
Нема коментари