Британската дизајнерка Стела Макартни ја подготви својата прва машка колекција и по тој повод организира забава на локација која е мошне значајна за нејзиниот татко Пол Макартни и за „Битлси“ – музичкото студио на Аби роуд во Лондон каде што легендарната група во 60-тите ги снимала своите хитови. Стела признава дека колекцијата е инспирирана од татко ѝ Пол, ставајќи акцент истовремено на добро скроени и на релаксирани парчиња од машката гардероба.
Макартни во колекцијата за пролет-лето 2017 го развива концептот на облека за секој маж, од лежерни парчиња во пижама-стил преку бомбер-јакни и мантили до елегантни сакоа. Запрашана дали татко ѝ Пол би ги носел креациите од оваа колекција, таа вели „Да, дефинитивно, очигледно има многу инспирација од него во оваа колекција, па би било добро и тој да ја носи“.
На забавата во Аби роуд студиото се појавија голем број познати личности и пријатели на Стела како Кејт Мос, Орландо Блум, Селма Хајек со сопругот и модниот бизнисмен Франсоа-Анри Пино, а гостите ги забавуваа Run DMC и Бет Дито. Макартни истовремено ја претстави и женската колекција за ресорт 2017, a претходно и новите модели за „Адидас“.
Атмосферата на промотивната забава во Аби роуд студиото
Дел од женската ресорт колекција
Гости на забавата Розмари Фергусон и Кејт Мос, Стела со Франсоа-Анри Пино, Орландо Блум и Селма Хајек
Од лукбукот на првата машка колекција со потпис на Стела Макартни
Нема коментари