Модната икона и уредничка на италијанското издание на Vogue, Франка Соѕани, почина денеска на 66. годишна возраст. Светските медиуми јавуваат дека починала во својот дом во Милано, а крај нејзе бил нејзиниот син. Изминатава година таа се борела со тешка болест, но не е соопштено за што станува збор. Соѕани беше 28 години на чело на Vogue Italia.
Соѕани беше 28 години на чело на Vogue Italia
Уредничката на американски Vogue, Ана Винтур, ја опишува Соѕани, професионално како многу вредна и посветена личност, а приватно како срдечна, паметна и духовита.
Кариерата ја почнала во Vogue Bambini, италијанската верзија на Glamour и како соработничка за машки магазини. Главна уредничка на Vogue Italia станала во 1988 година. Се памети како една од најсмелите уреднички. Потикнувајќи ја разноликоста и промоцијата на Афроамериканските модели, во 2008 го уредува т.н Black Issue (црномуресто издание) на Vogue Italia. Ги поддржала и кариерите на едни од најуспешните модни фотографи на денешницата, како Марио Тестино, Херб Ритс и Стивен Мејзел. Таа беше во фокусот на документарниот филм Franca: Chaos and Creation, снимен од нејзиниот син Франческо Кароѕини, кој премиерно беше прикажан на годинашниот Филмски фестивал во Венеција. Родена е на 20 јануари 1950 година во Мантова, Италија.
Нема коментари