По успешната прва линија, контроверзната музичарка Кортни Лав дизајнира нова колекција во соработка со американскиот бренд Nasty Gal. Линијата наречена Love, е во препознатливиот рокерски стил на сопругата на починатиот култен фронтмен на „Нирвана“, Курт Кобејн. Моделите се микс од модата од 40-тите, 70-тите и 90-тите.
Ова е втора колекција што Кортни Лав ја дизајнира во соработка со брендот Nasty Gal
Застапени се капут со леопардов принт, фустан налик на ноќница од сатен и тантела, долг бел свилен фустан, кожени панталони во комбинација со викторијанска кошула, црн краток кадифен фустан со бел везен околувратник, мини модел со светкава мониста и друго. И додатоците потсетуваат на имиџот на Кортни: црни чевли со висока потпетица и повеќе колани, салонка со мрежеста површина, комбинирани со соодветни црни хулахопки. Автентичноста на колекцијата се заокружува и со фотосесија на која манекенката има фризура и шинка кои потсетуваат на Лав.
Нема коментари