Руската супермоделка Наталија Водјанова го оправдува прекарот Суперова – таа само 20 дена по раѓањето на своето петто дете се појави на ревијата на „Живанши“ одржана деновиве во Париз. Облечена во бела креација со набори од колекцијата на висока мода на „Живанши“ и со стајлинг на фризура кој потсетува на 20-тите, Наталија прошета на пистата во фит форма како да не се породила пред помалку од еден месец.
Водјанова на 4 јуни го роди синот Роман, второ дете од врската со Антоан Арно, наследникот на модната империја LVMH, а има и три деца од бракот со британскиот аристократ Џастин Портман.
Ваквите примери на враќање на формата за кратко време по породот понекогаш се гледаат во негативен контекст и се сфаќаат како притисок врз мајките што е можно побрзо да ослабат се вратат во топ форма. Сепак, треба да се има предвид дека некои жени имаат вита градба и не добиваат многу килограми во бременоста
Нема коментари