Под називот „Инста-девојките“ (The Instagirls), најактуелните млади манекенки се најдоа на насловната страница на септемврискиот број на американското издание на Vogue. За проширената насловна страница позираа Џоан Смолс, Кара Делевињ, Карли Клос, Аризона Мјуз, Еди Кемпбел, Иман Хамам, Феј Феј Сан, Ванеса Ексенти и Андреа Диакони, пред славниот фотограф Марио Тестино. Само првите три се најдоа на насловната, а останатите модели во додатните страници.
Стајлингот за најбараните манекенки од „Инстаграм“ генерацијата, го направи Тони Гудман. Ова е прва насловна страница по повеќе години со манекенки во најважното издание во годината на „модната библија“. Изминатите години во септемвриските броеви се појавија неколку актерки и музичарки, но ниеден модел. На 856-те страници од новиот број ќе може да се огледнат и прочитаат најголемите трендови за престојната сезона, а најдобрите модели во моментов ќе ги пестават креациите на сезоната.
Нема коментари