Преземањето контрола над сопствениот живот е тесно поврзано со финансиската независност, која е особено важна за жените. Во 20-от век, беше постигнато многу на тој план. Излегоа од домот и кујната, и почнаа да градат кариери, да се искачуваат по корпоративната скала, да влегуваат во политиката… Но, патот по кој чекорат жените сè уште не е завршен. Потребно е да се променат уште многу ставови и да се срушат уште многу стереотипи.
За поздравување се компаниите како AVON кои придонесуваат да се промени ситуацијата преку мотивација на жените. Треба да се истакне дека првиот чекор кон самостојноста е финансиската независност, цел која секоја од нас треба да си ја постави пред себеси. За тоа патување е потребно да се има визија и храброст, да се вложи многу труд и да се работи напорно, но предностите на крајот се огромни и само една од нив е можноста жената сама да одлучува за сопствениот живот и иднина. На тој начин, пополека и ефективно се менува и улогата на жените во општеството. Тие се сè повеќе мотивирани да се образуваат, да влегуваат во корпоративниот свет или да градат успешни политички кариери.
Секоја жена што работи на својата финансиска независност остава позитивен пример за својата ќерка, внука, но и за околината воопшто. На тој начин, малку по малку, се менува и светот. Тој полека станува подобро место за живеење, каде мажите и жените, еден ден, ќе бидат целосно рамноправни.
Пишува: Мрмејд
Нема коментари