Супермоделот Џоан Смолс позира со малиот Хадсон Крониг во новата промотивна кампања за ресорт колекцијата на луксузната мода куќа „Шанел“. Убавата Порториканка позира пред објективот на креативниот директор на куќата, Карл Лагерфелд, а друштво и’ прави синот на манекенот кој важи за муза на познатиот дизајнер, Бред Кониг. Џоан носи модели од колекцијата ресорт 2015, премиерно прикажана во мај во Дубаи, а Хадсон седи покрај неа, се излежува покрај базен или ѕирка од ориенталните порти кои потсетуваат на ориенталното расположение на колекцијата. Инаку, ова не е првпат Хадсон да биде ангажиран како модел на „Шанел“, веќе неколку пати се појави на ревиите на модната париската куќа заедно со својот татко Бред.
Нема коментари