На престојната Париска модна недела, поточно на 27 септември, ќе ја видиме последната претапорте колекција на францускиот дизајнер Жан Пол Готје. Тој одлучи да престане со продукција на машка и женска колекција со предзнак претапорте, со образложение дека на овој драстичен чекор се одлучил откако сфатил дека се зголемува бројот на рестрикции кога се креира таква линија. Одлуката ја донел заедно со својот инвеститор, шпанската групација „Пуиг“, но тоа не значи дека Готје ќе престане да занимава со мода. Тој ќе продолжи да презентира кутур-колекции, а ќе се посвети и на својата доста успешна линија на парфеми.
Дизајнерот вели дека високата мода му дозволува слобода во креирање и екпериментирање
Во соопштението до медиумите Готје признава дека одлуката не била лесна, но откако со инвестоторот детално ги разгледале сите опции, заедно одлучиле дека така е најдобро. „Всушност, во последно време открив дека повеќе сакам да креирам висока мода која ми допушта повеќе слобода и експериментирање во однос на претапорте сферата. Од друга страна, светот на претапорте колекциите забележително напредуваше, но негативно, наметнувајќи ограничувања и условувања кои го лишуваат дизајнерот од креатовноста и слободата да се изрази докрај – изјави Готје, додавајќи дека оваа е нов почеток за него кој ќе му овозможи повторно да се изразува без ограничување.
Готје има линија на успешни машки и женски парфеми
Нема коментари