Како олицетворение на современата жена, Елена Стојановска Јанковска и Росана Јанков повторно се заштитни лица на новата колекција на македонскиот моден бренд Bella. Новиот едиторијал го сними Марко Марковски, шминката е на Зоран Шурбевски, а обувките се од Nine West Makedonija.
Верни на вкусот на модните зависници, Bella ја најавува новата сезона подинамично од кога било. Инспирирани од пролетта, од убавината на жените, пријателството и посветеноста кон своите дами, Bella креираше колекција со весели и впечатливи бои, минимални детали, модерни дезени и струкирани форми. Новата колекција е посветена на ведрите, храбрите, елегантните, гламурозните дами, кои постојано го негуваат својот стил.
По долги години пријателство, Bella точно знае што е потребно за совршени и удобни пролетни денови. Квалитетните и ексклузивни материјали, скроени со цел да ја истакнат женственоста, овозможуваат чувство на пријатност и слобода. Модерните форми со ретро твист ќе го задоволат вкусот на секоја дама.
Нема коментари