Британскиот дизајнерски тандем Том Видет и Лука Свини, кои стојат зад брендот „Том Свини“, создадоа нова елегантна линија со трендовски машки костуми. Кројачите на едни од најмодерните и најиновативни машки парчиња облека, создале костуми со каро-шара, твид-палто со три реда копчиња, шеќерно розово сако, комбинирано со ролка, во стилот на 70-тите години, како и ретро-класични модели со елече. Направена е и смела комбинација на темносино палто со впечатливи портокалови панталони. Парчињата отсега може да се најдат на онлајн продавницата за машка облека, Mr Porter. Неодамна беше направена фотосесија со моделите на славните машки кројачи за The Journal. На фотографиите елегантниот џентлмен, шета низ улиците на Лондон, а во позадина се дел од најпрепознатливите сегменти на градот-Биг Бен, црвената телефонска говорница… Џентлменот облечен во моделите на „Том Свини“ е подготвен за повеќе времесни услови, носи и чадор, а во костумот може да вози и велосипед.
Нема коментари