Францускиот козметички бренд Lancôme во Париз го презентира својот нов женски парфем Idôle, како и заштитното лице Зендаја, пејачка, актерка и моднa икона на новото време. „Драго ми е што го претставувам овој парфем на Lancôme. Idôle е мирис со значение. Сакам свежи и лесни парфеми. Пребирлива сум кога станува збор за парфемите, а Idôle мириса апсолутно неодоливо и поради тоа го обожавам“, изјави Зендаја.
Новиот мошусени цветен мирис, е луксузен и благ, свеж и заводлив. Содржи и розини латици кои се одгледуваат одржливо и специјално за Lancôme во турската провинција Испарта. Вметнати се и рози од Франција, бергамот, круша и јасмин од Индија.
Idôle е мирис кој многу раскажува и блеска во светлината. Тој ја отелотворува новата оригинална визија за успех – визија која не разединува со својот пркос кон конвенциите, туку ги надминува. Шишенцето на парфемот, дело на архитектот и индустрискиот дизајнер Чафик Гасми, оддава почит кон техничкиот развој и иновативноста на индустријата. Имено, шишето на Idôle мирисот има само 15 мм дебелина и е едно од најтенките во светот на парфемите.
Од Lancôme велат: “Успеавме да создадеме мирис за новата генерација на жени кои не прфаќаат статус кво, се ослободуваат од традициите и го менуваат поимот за успех. Оваа нова самодоверба која ги поврзува и со која растат, ги охрабрува секогаш да одат едно скалило повисоко. Lancôme стратешки го промовира Idôle, и големо задоволство ни е што му го претставиме на светот заедно Зендаја.
Парфемот беше презентран вчера во Париз, а ќе биде достапен на продажба во септември годинава.
Нема коментари