Денеска почнува „Култиватор базар“ во „Кино Карпош“

Од stylist @StylistMKD · На октомври 3, 2016

Во склоп на мултимедијалниот фестивал „Култиватор“, во кафулето „Кино Карпош“ од денеска, 3 октомври, со почеток во 18 часот, до четврток, 6 октомври, ќе се одржи базар на уникатни креации на кој ќе учествуваат повеќе домашни дизајнери и артисти – Em Ellephantski, Драган Драш Китановски, Ruki Chuki, Ind Og, Damaja Handmade, ATAMI, Карло Хорват, Katarina Pargo, Art of Kaliopi, Bulberry, Mei Ro, Aleksandra Petkova Gianeli, Bubbles, Hard To Explain Shop, Преплет, Глигор Кузмановски, One can, AlmArt jewelry и Shemko Illustrations.

Глигор Кузмановски

Култиватор“ е мултимедијален фестивал кој се одржува по втор пат во Скопје, на три локации, „Кино Карпош“, „Барбакан“ и „Минус еден“, во чии рамки ќе имате можност да слушнете музика, да погледнете по некој краток филм и да присуствувате на изложба и базар. Повеќе за фестивалот на овој ЛИНК.