Холандското модно дуо Виктор и Ролф за прв пат се најде во режисерска улога. Дизајнерите снимија краток филм наречен „Ноќна стража“ и се однесува на кражба на слика во познатиот национален музеј во Амстердам, Rijksmuseum. Во двеминутното видео нивната муза Валентајн де Хинг, го краде делото The Threatened Swan, слика направена од сликарот од холандското златно доба, Јан Аселејн, и го претвора во фустан, асоцијација на една колекција од Виктор и Ролф. Видеото е снимено во почесната галерија во Rijksmuseum, каде што се наоѓа познатото ремек дело на Рембрант, „Ноќна стража“, и повторно го нагласува односот меѓу модата и уметноста што дизајнерите го негуваат. А Rijksmuseum за нив секогаш бил главен извор на инспирација.
Нема коментари