Актерката и новата феминистичка икона Ема Вотсон се најде на списокот на 100 највлијателни личности на Time, а се појави и на гала настанот што списанието го организираше во Њујорк по повод традиционалната листа на највлијателните. На настанот во Њујорк Ема носеше креација од „Диор“, комплет од сиви панталони, црн топ и широк, долг појас обвиткан околу половината. Овој поексцентричен, но сепак шик избор за ваков настан е земен од колекцијата за предзима 2013 на модната куќа „Диор“. Таа стајлингот го дополни со елегантни чевли, клач чанта и одличен накит во облик на една впечатлива обетка и широка алка. Годинава Time налути голем дел од читачката публика со својот избор на личности, но со вметнувањето на Вотсон во списокот на највлијателни и ние се согласуваме.
Нема коментари