Во чест на познатиот дизајнер и негов добар пријател Оскар де Рента, познатиот уредник од американски Vogue, Андре Леон Тели, како куратор селектира 50 креации од неодамна починатиот дизајнер за изложбата насловена „Оскар де ла Рента: Неговиот легендарен свет на стил“ поставена во Музејот на уметност при Колеџот за арт и дизајн во Савана, во американската држава Џорџија. Креациите на американскиот дизајнер од доминиканско потекло се поставени како модни вињети, а некои од нив биле носени од познати личности како Сара Џесика Паркер, Никол Кидман, Кирстен Данст и поранешните први дами Хилари Клинтон и Лора Буш. На отворањето на изложбата беше присутна и сопругата на Оскар, Анет де ла Рента, како и главната уредничка на Vogue, Ана Винтур, а поставката ќе биде отворена до 3 мај. „Оскар де ла Рента дизајнираше облека за жени кои сакаат да изгледаат и да се чувствуваат убаво, најелегантно што може. Сите комбинации од оваа изложба се земени од плакарите на некои од најиконските клиенти на Оскар“, изјави Тели за изборот на модната изложба.
Ана Винтур, Андре Леон Тели и Анет де ла Рента на отворањето на изложбата за Оскар де ла Рента
Нема коментари