Ирина Тошева ја продолжува приказната на Memento Mori

Од stylist @StylistMKD · На декември 23, 2013

Фото: Ерина Богоева

Младата дизајнерка Ирина Тошева ја продолжува својата приказна за сезоната есен-зима 2013/14 со Memento Mori 2.0. Таа деновиве направи надополнување на линијата Memento Mori, која премиерно ја претстави на Модниот викенд-Скопје, со неколку ексклузивни, свечени креации, идеални за празниците. Моделите се надополнети со парчиња накит изработен во соработка со Design&berries, кои гарантираат траен впечаток.

-Бидете забележани на забавата на која што сакате да блеснете. Тоа и го заслужувате-порачува Ирина.

Со фотографката Ерина Богоева изработи сесија, каде што како модел се јавува Лумтурије Камили. Артистичката шминка е на Небојша Пешевски, а фризурата на Studio Allure.