Креации од познати македонски и регионални дизајнери и брендови на облека, накит и мебел, добро кафе и богата музичка програма од 24 август може да се најдат во новата концептуална продавница и бистро Wonderlust. Овој мултибренд и мултифункционален современ простор, сместен на улица Македонија, во срцето на Скопје, испреплетува различни енергии – старо и ново, урбано и рустикално, софистицирано и сирово, а нивниот бленд креира префинети мали објекти кои предизвикуваат среќа.Крајната цел на младиот тим што го основа Wonderlust, е да придонесат кон промена на нашето општество и животот на луѓето во развојот на една нова култура преку регионално „подготвени“ уникатни производи
-Идејата за креирање на заедница на луѓе со немирен дух и вистинска фасцинација кон слободата се роди уште во 2010, меѓутоа низ годините ја обликувавме за да ја добие формата во која е денес. Големо влијание имаше и менувањето на самиот општествен контекст во Македонија. Имено, во Македонија сѐ поголем број на луѓе прават чекори кон материјализирање на нивната идеја, независно од тоа за што станува збор. Нивното пробивање пак, на самиот пазар во денешните услови не е лесно и токму тоа ние го сфативме како потреба која перфектно се вклопи во нашата идеја и им понудивме рака на некои од нив. Така, нашата идеја со Wonderlust преку отворањето на првата продавница во Скопје е да им помогнеме на уникатните брендови од регионот за привлекување на очите на сите оние кои се во потрага во слободата,притоа повикувајќи ги сите други амбициозни луѓе кои имаат идејаи материјализирана идеја која промовира креативност да се охрабрат и да ни се придружат – вели еден од сопствениците на Wonderlust , Дарко Давковски, со кој го направивме интервјуто.
Во концептуалната продавница понудени се дизајни од Јована Филиповоќ, LUDUS, Eklektika jewelry, Melani Digit, Evee, Mighty Jewelry и Pray eyewear (фото: Ирена Мила)
>>Што означува името Wonderlust и која е неговата поврзаноста со содржината и концептот на просторот?
-Осмислувањето на името одеше паралелно со осмислувањето на целиот концепт. Како се менуваше концептот така се менуваше и потенцијалното „име“. Со конечното дефинирање на нашата идеја, почнавме да трагаме по најсоодветното име и стигнавме до Wonderlust. Wonderlust е наша кованица од Wonder– чувство на изненаденост помешано со восхит, а предизвикано од нешто убаво, неочекувано, непознато и/или необјасниво и Lust– Многу силна страст.
>>Во модниот продажен дел има понуда од креации од наши познати дизајнери и брендови за облека и накит. Со кој сè досега воспоставивте соработка и дали имате во план да ја проширите понудата?
-Првата соработка ја остваривме со Pray Eyewear – бренд на очила за сонце рачно изработени од дрво од соседна Србија.Досега остваривме соработка и со Јована Филиповиќ, ЛУДУС, ЕКЛЕКТИКА, Ивана Цветковска, Мелани Дигит и Mighty Jewelry. Меѓутоа, она што е особено важно да напоменам, е дека Wonderlust концептуалната продавница не е осмислена единствено за промоција на познати дизајнери и брендови за облека и накит. Напротив, нашата идеја се однесува на сите брендови од регионот кои се вклопуваат во нашата идеја. Така, Wonderlust оствари соработка и со JAVA coffee–specialty espresso бренд од Полска, Storytelling Skopje – интересен проект за Скопје и неговите приказни. Што е повеќе, и во самото изработување на просторот се потпревме на македонски постоечки брендови. Ќе ги издвојам Pastello (www.pastello.org)кои со својата визија дадоа еден посебен дух на просторот, како и PUNKT мебел. И секако, проширувањето на понудата е постојано присутно на нашата агенда, а притоа, ги покануваме сите претприемачи кои се пронаѓаат во нашата идеја да не контактираат, ние би биле повеќе од среќни.
(фото: Ирена Мила)
>>Можам да забележам дека е направена солидна стилска селекција на брендови и креатори застапени во Wonderlust. Каква е вашата поврзаност со модата и имате ли досега искуство со вакви мултибренд продавници и продажба/пласман на македонски модни дизајнери?
-Како што напоменав и претходно во малку поинаква форма, нашата поврзаност е со слободното изразување, нас нè восхитува чувството за убавото и креативноста на претприемачите од нашите простори. Директно искуство на било кој начин со мултибренд продавници од овој тип и продажба и пласман на македонски модни дизајнери немаме.
>>Во Скопје има потреба од продажен простор во кој ќе се најдат дизајни на наши креативци. Колку ќе биде дополнета содржина и со други типови на автентични македонски дизајни?
-Продуктите кои ние ги промовираме се резултат на напорна работа на посветени и упорни индивидуалци од нашиот регион, чија љубов кон нивната работа генерираизвонреднo рафинираниобјекти. Секоја идеја од овој тип која се вклопува во нашата „сложувалка“ е добредојдена, а ние, како постојани и страстни трагачи, ќе продолжиме да ги лоцираме ваквите идеи и постојано да ја освежуваме понудата.
Застапени се парчиња мебел од PUNKT (фото: Ирена Мила)
>>Каква е понудата во бистрото и какви сè содржини има на програмата на Wonderlust?
-Сега за сега работиме како кафе- бар, додека да ја дефинираме понудата за храна. Акцентот ни е ставен на кафето, застапници сме на JAVA Coffee Specialty Espresso и нудиме неколку различни блендови на еспресо , single origin еспресо како и органско еспресо. Со оваа соработка сакаме да понудиме едно поинакво искуство на пиење кафе, каде нашите гости можат да уживаат во различни вкусови на кафе во една релаксирана атмосфера.
>>Најавивте соработка со рок-групата Eye Cue -како бренд-амбасадори на Wonderlust. Како ќе се одвива соработката и дали планирате колаборација и со други наши јавни личности?
-Нашата соработка со Eye Cue, иако неформално, започна уште на самото отворање на нашата концептуална продавница. Eye Cue приднесоа кон динамиката кое беше на високо ниво во просторот со нивните прекрасни звуци. Сметаме дека се артисти со огромен потенцијал кои допрва ќе го освојуваат регионот и со нивна помош ќе промовираме доста квалитетни македонски брендови.
Wonderlust се наоѓа на едно од најпрестижните и фреквентни места во Скопје, ул. Македонија (фото: Ирена Мила)
Акцентот е ставен на кафето, застапници се на JAVA Coffee Specialty Espresso и нудат неколку различни блендови на еспресо , single origin еспресо како и органско еспресо (фото: Ирена Мила)
(фото: Ирена Мила)
Нема коментари