Развојниот оддел на Инстаграм создаде нова опција која дозволува споделување до 10 фотографии или видеа одеднаш, што на корисниците им овозможува пренесување на комплетна претстава на одредено искуство. Доколку не можете да се одлучите за една фотографија за постирање, ќе споделите повеќе во вид на галерија. Оваа нова опција на Инстаграм се вика Carousel (рингишпил), а мотивот за воведување е фактот дека некои настани заслужуваат повеќе од една фотографија.
Кога сакате да додадете објава, искористете ја новата опција, стиснете ја иконата за Carousel и изберете до 10 фотографии во еден пост – за да ги ставите фотографиите за галеријата, треба да ги притиснете избраните фотографии и подолго да ги држите со прстот. Може да употребите еден филтер за сите фотографии од галеријата, но и на секоја фотографија одделно, истото важи и за тагирањето. Но, еден опис, локацијата и коментарите се однесуваат на целиот пост. Кога постот ќе го споделите, пријателите ќе видат сет од сини точки, што означува дека станува збор за Carousel.
Оваа опција во следниве неколку седмици ќе биде достапна за сите корисници на iOS и Android.
Нема коментари