Ан Софи Јохансон од H&M пред неколку часа ја откри новата дизајнерска соработка со Керол Лим и Умберто Леон од „Кензо“
Шведскиот бренд H&M денеска гордо најави нова дизајнерска соработка со Керол Лим и Умберто Леон, креативните директори на париската модна куќа „Кензо“, препознатлива по вибрантните и разиграни дизајни. „Кензо“ успева да ја зграпчи енергијата на глобалната култура и да ја вметне во уникатниот и младешки дух на куќата, сега креативноста, разиграната енергија и љубовта кон модата ќе ја пренесе на новата дизајнеркста колекција на H&M што ќе биде претставена во ноември годинава. Колекцијата ќе содржи женски и машки модели, како и модни додатоци, а се очекува да постигне успех како и претходните соработки со „Балман“, Марџела, Карл Лагерфелд, „Марни“, Виктор и Ролф. Во исчекување на колекцијата, H&M објави тизер-видео кое ветува шаренило и јаки бои.
Нема коментари