Познатите модни куќи почнаа тенденција своите ресорт колекции да ги прикажуваат на необични и егзотични дестинации низ светот, а „Гучи“ по Вестименстерската опатија во Лондон и квартот Челси во Њујорк, посака следната колекција да ја презентира на Акропол во Атина. Но, модната куќа не доби дозвола од грчкото министерство со култура, со образложение дека „Грција има обврска да ја брани важноста на Акропол, глобален симбол на демократијата и слободата“.
Антички Акропол, кој се наоѓа на списокот на светско наследство на УНЕСКО, и претходно бил прилечен за модни настани. Во 1951 година Кристијан Диор тука направи фотосесија, а Џенифер Лопез со посебна дозвола сними едиторијал во 2008 година за гркото издание на Harper’s Bazaar. Но се чини дека сепак организарање на комплетна модна ревија на ова историско место е премногу, бидејќи тоа повлекува опрема, гости, медиуми и многу луѓе зад сцената, со што може да се компромитира самата локација.
Според едни информации модната куќа „Гучи“ понудила 2 милиона евра за реставрација на дел од античкиот споменик, како парична надомест за користење на просторот, а и тврдела дека самиот настан ќе биде промоција на културните споменици на земјата, на што Грција одговорила дека од тој настан нема да имаат никаква корист, бидејќи тогаш главна тема ќе биде самата ревија, а не Акропол. Други извори пак тврдат дека претставници на „Гучи“ се сретнале со грчките власти, но во врска со сосема друга, долгорочна културна соработка.
Нема коментари