Гластонбери 2014: Музика, мода, забава и многу кал

Од stylist @StylistMKD · На јуни 30, 2014

Она што пред 44 години започна како мал музички фестивал на фармата на Мајкл Ивис во Пилтон, Англија, денес претставува суперфестивал, веројатно еден од најзначајните во светот. Петдневниот фестивал е славење на музиката и забавата, и иако се случува во јуни, скоро секогаш е проследен со обилни дождови. Затоа, на Гластонбери задолжително со гумени чизми. Ѕвезди на овогодинешното издание беа Лили Ален, „Аркејд Фајр“, Ели Гулдинг, „Металика“, “Казебијан“, Лана Дел Реј, „Блек Кис“, и замислете Доли Партон. А фестивалот како и секогаш ги привлече љубителите на музиката, млади, повозрасни и цели семејства, но познати личности како Стела Макартни со сопругот, Рита Ора, Џери Хол, Алекса Чанг, Вивиен Вествуд, Бредли Купер… Селектиравме неколку фотографии кои барем малку ќе ви ја доловат атмосфератата!