Актерката Ема Стоун кон крајот на минатата година беше прогласена за нова амбасадорка на париската модна куќа „Луј Витон“, еве ја и првата кампања од соработката. Како дел од серијалот Spirit of Travel на куќата „Луј Витон“, и оваа кампања е инспирирана од патувањата, а Ема позира во калифорниската пустина пред објективот на Грег Мекдин. Облечена е во фустани со вибрантни дезени, креации на Никола Гескиер, но во фокусот е главниот моден детаљ – чантата Capucine во разни бои. „Среќна сум и горда што можам да работам со толку страствена куќа како „Луј Витон“, како и со уникатниот стил и креациите на Никола Гескиер“, изјави актерката.
Нема коментари