Колку и да се турбулентни промените во модата и колку и да се експериментира со формата, бојата и со идеите, елеганцијата никогаш не излегува од мода. Доколку е поставена на здрава основа, и се држи до достоинственоста и минимализонот, елеганцијата не може да ја изгуби својата суштина. Овие правила добро ги знае брендот Ellery , кој за својата Resort 2015 колекција направи успешен редизајн на вечната елеганција. Во линијата се понудени навидум едноставни, модели со чисти форми, смирен тон, но со шик-нишка, повлечена од футиризмот, но и од ретро-моделите. Креациите се андрогени и ја имаат строгоста и рафинираноста на бизнис-креациите од машкиот ормар, но со нагласен шарм и женственост. Застапени се монохроматски, бели и црни модели, како и по некој дискртено сино и жолто парче. Материјалите како да лебдат околу телото давајќи му нова форма и различен изфлед при секое носење. Креациите зрачат со свежина и урбаност, и иако се симплифицирани, немаат потреба од дополнително накитување со додатоци.
Нема коментари