По повод лансирањето на колекцијата од линијата Conscious Exclusive на брендот H&M во Западен Холивуд се одржа вечера на која гостуваа повеќе млади актерки од кои најголем впечаток со стајлингот ни оставија Кејт Мара, Софија Буш, Еми Росум и Камил Бел. Тие на модниот настан носеа модели токму од еколошката колекција на H&M (со исклучок на Бел која облече фустан од „Осман“), но вниманието ни го привлече начинот на кој вметнале детали.
Кејт Мара и Софија Буш
Кејт Мара избра необичен топ со беж панталони, се накити со необична плик-чанта, ѓердан со зелен привезок, чевли со животинска шара, но највчеатлив беше украсот за уво. Всушност, се работи за три различни обетки аранжирани на едно уво. Софија Буш изгледаше романтично во белиот тантелен фустан, а за контарст избра масивен ѓердан кој покрива голем дел од торзото и мала чанта со геометриски облик.
Еми Росум
Нивната колешка Еми Росум игра на картата женственост и гламур со овој корсетиран фустан со асиметричен долен дел, а стајлингот го комплетира со ѓердан од розови дијаманти со винтиџ изглед. Камил Бел иако не носеше фустан од H&M, сепак избра впечатливи бели обетки од брендот кои одлично одговараат со темниот тен на нејзината кожа.
Камил Бел
Нема коментари