Пет македонски и шест бугарски текстилни компании ги презентираа во саботата своите производи во галеријата „Безистен“ во Штип во организација на македонскиот Текстилен кластер во соработка со Моден викенд Скопје. Станува збор за домашните компании „Астибо фешн груп“, „Амор-компани“, „Ист комерц- Санда“, „Кули“ и „Ларс“, и бугарските: „Бода стајл“, „Витал“, „Пирос“, „Нов свет“, „Мартекс 2“ и „Валена“.
Модели од „Астибо фешн груп“
Пред ревиите публиката имаше можност да го види видео спотот „Одберете креативна професија! Бидете и вие дел од текстилната индустрија“ кој го изработи Текстилниот кластер со кој сакаат на новите генерации да им ги покажат перспективните страни на текстилната индустрија и потенцијалите за кариера во истата. Настанот е во рамките на пограничниот проект ‘‘Градење на интернационална конкурентност на текстилните компании во пограничниот регион МК-БГ“ кој Текстилно Трговско Здружение – Текстилен кластер од Македонија го спроведува во партнерство со Браншовата организација за текстил и облека од Бугарија.
Женски и машки креации од „Амор-компани“
Проектот е финансиран од Европската унија преку ИНТЕРЕГ ИПА програмата за Погранична соработка помеѓу Македонија и Бугарија во соработка со „Моден викенд Скопје“, модната агенција „Подиум“, со поддршка од „Дом на млади – Штип“, винарија „Тиквеш“, „Музеј на град Штип“ и „Хотел Оаза – Штип“.
Од колекцијата на „Кули“
Џинс креаии од „Ларс“
„Ист комерц- Санда“
Нема коментари