Повеќето од нив засега се повеќе познати како деца на познатите, но тоа на модните куќи и дизајнерите им е доволна да причина да ги ангажираат како заштитни лица на модните кампањи за пролет-лето 2016. Тие се новите ѕвезди во модниот свет, феномен кој почна пред неколку сезони, а продолжува и во следната. Нивните кариери се во зачеток, доста од нив ги прават првите чекори како актери, а се актуелни и во модата како манекени. Последната вест на оваа тема е новата улога на Каја Гербер, ќерката на славната супермоделка Синди Крафорд, која се појави во кампања за Chrome Hearts. Потоа Дилан Ли, синот на Памела Андерсон и музичарот Томи Ли, во моментов ја промовира „Сен Лоран“, пред големата ревија на модната куќа во Холивуд паладиум во Лос Анџелес.
Дилан и Хопер Пен во промотивната кампања на италијанскиот бренд Fay
Џејден Смит, синот на актерите Џејда и Вил Смит облечен во здолниште е дел од капмањата од Series 4 на престижната модна куќа „Луј Витон“, а уште едни деца на холивудските актери Шон Пен и Робин Рајт, Дилан и Хопер Пен, здружно се појавуваат во промотивната кампања на Fay. Дилан и Хопер во пустина снимија реклама за овој италијански бренд. Ајрис Лоу, ќерката на актерите Џуд Лоу и Сејди Фрост се појавува во реклама за капсулната колекција Illustrated People x Violetta Fancies You, а и нејзиниот брат Раферти е во модниот свет и сега е актуелен во кампања за Effra London.
Каја Гербер во кампања на Chrome Hearts
Ќерката на Џони Деп, Лили Роуз-Деп веќе ја наследува својата мајка Ванеса Паради во улогата на бренд амбасадор на „Шанел“. Ален-Фабиен Делон, син на познатиот француски актер Ален Делон е новата ѕвезда на машката кампања на „Диор“. Бруклин Бекам сезонава доби задача на фотограф за новата кампања на „Барбери“ (иако доби и критики за непотизам од страна на професионалните фотографи дека како тинејџер и неискусен фотограф, неосновано е фотографира кампања за луксузнот британски моден бренд). Инаку, помалиот син на Дејвид и Викторија Бекам, Ромео, со години се појавува во рекламите на „Барбери“.
Минатата сезона актуелни беа Габриел Деј Луис (син на Даниел Деј Луис и Изабел Аџани), Џек Килмер (син на Вал Килмер и Џоан Вајтли) и Дилан Броснан (син на Пирс Броснан) , кои се појавија во реклам за „Диор“ и „Барбери“. (K.T.)
Ален-Фабиен Делон
Дилан Ли за „Сен Лоран“
Џејден Смит за „Луј Витон“
Ајрис Лоу
Бруклин Бекам како фотограф на новата кампања на „Барбери“
Лили Роуз Деп ги рекламира очилата на „Шанел“
Раферти Лоу во кампања на Effra London
Нема коментари