Почнувајќи со нејзината раскошна венчаница со потпис од Emilio Pucci, британскиот модел и трендсетерка Попи Делевињ успева грациозно и со стил со години да го носи бохо стилот. Тој е во одличен баланс со нејзината аристократска и нежна природа, давајќи и динамика и сексапил. Креациите во кои се појавува на црвениот килим се често романтични, елгантни, но со модерен тон. Има носено фустани од Burberry, Erdem, Dolce & Gabbana, Dior, Chanel, Alberta Ferretti , Matthew Wiliamson и многу други познати дизајнери и светски брендови. Сме ја виделе во лелеави креации со карнери, транспарентни модели, впечатливи шари и бои и ретро кроеви. Предност му дава на моделот, надополнувајќи го стајлингот со дискретни додатоци лежерна фризура и неутрална шминка. Во продолжение се креации со кои Попи покажува како треба да се носи актуелниот бохо стил.
Нема коментари