Легендарниот актер Ентони Хопкинс, енергичен и весел и на 84-годишна возраст, својата харизма ја позајми во новата камања на модната куќа Loewe. Хопкинс позира во колоритна маица со принт на крофни, долго црно палто, панталони и патики, како и во дуксер со Loewe-логото, а покрај него се новите модели на Anagram Studs T чантите. Фотографиите ги направи Јурен Телер.
-За малку забава, денешниот ангажман е манекенкство – напиша актерот на својот Инстаграм профил под фотографијата од кампањата. Следеа позитивни коментари под објавата, како и на профилите на Loewe и на креативниот директор на куќата, Џонатан Андерсон.
Хопкинс поседува импресивна животна енергија, уште се занимава со актерство, слика, свири на пијано, креира парфеми, активен е на социјалните мрежи, а и претходно бил во улога на манекен. Задолжително следете ги неговите духовити објави на Инстаграм и на Твитер.
Нема коментари