Познатиот македонски манекен Алек Наумовски се појавува на корицата на романот Unbound Faith од младата американска авторка Џ.Л. Болдвин. Станува збор за фотографија снимена од нашиот познат фотограф Владо Георгиев. Таа, како што вели Наумовски, не била направена специјално за насловната на книгата, а издавачот најверојатно ја обезбедил преку специјализирани сајтови за фотографија.
-Пред седум-осум месеци соработував со нашиот фотограф Владо Георгиев за еден портал. Владо ми предложи да направиме малку поинаков тип на фотографии, каде што би требало малку повеќе да глумам, а притоа ќе може да ги објави и продаде на специјализирани сајтови за фотографија… Секако потпишавме договор. Сè до пред некој ден немав идеја дека сите мои фотографии биле купени и клиентите ги употребуваат за нивни цели. Што се однесува до Unbound Faith, само знам дека авторката на крими романот или новелата е од Вирџинијa, САД и дека ја понудила книгата по неа да се снима серија-вели Наумовски, кој е еден од основачите на агенцијата за манекени „Моделс ин“.
Фотографија со Алек Наумовски ја снимил нашиот познат фотограф Владо Георгиев
Unbound Faith е мрачна современа романса, прва од серијалот Bulletproof на младата писателка Џ.Л. Болдвин, која доаѓа од мало конзервативно градче во Вирџинија, САД. Книгата е деби на авторката, а е објавена на 23 ноември 2015. Зад дизајнот на корицата стои CT Cover Creations. (А.Н.)
Нема коментари